Humanities Week: We Didn't Burn This Time (2nd Day)

Sa wakas, naging makatao rin ang Humanities Week, para sa akin, naging maayos ang sistema at walang nangyaring malalaking aberya; magaganda rin ang mga napili nilang ACLE (Alternative Class Room Experience) classes.

Kahit di ako masyado boto para sa aming ACLE FORA, masasabi kong napapanahon ito at makatutulong sa mga estudyante, ang aming ACLE na pinamagatang I KEEP LOVE REAL ay isang forum ukol sa love, relationships, knowing your self more, marriage at pagtatalik; naging positibo ang tingin ko rito dahil nauuso na nga ang mga cases ng early marriages, maaagang pagtatalik at abortion, dahil rito, na-enlighten kami uko, sa mga bagay-bagay na ito.

Kung Selected ACLE naman ang pag-uusapan, napaka-gaganda ng mga selections nila this year kaso nga lang, para namang bitin, iisa lamang ang pwede mong puntahan, mas ma-eenjoy siguro namin kung 2, kahit magkasunod. Iilan na rito ang movie at book discussions, alibata, sign language classes, photo at video editing, computer animation, at iba't-ibang cooking related subjects: ang science nito, 'special formulas' para sa masarap na kape, pizza, lomi, taekwondo, diving at etc.

Ang KKKwiz naman na pinangunahan ng AKSIS (AKSyon ISkolar), ang SocSci club ng Pisay ay naging matagunpay. Talagang nagpakita ng husay at galing ang mga kalahok ng bawat taon (ang mga tinatawag na nerdo sa history O_0), pero di rin nagpatalo ang audience, tila'y kinukuyod ng mga bubuyog ang mikropono kapag audience participation na ang palaro, sige ang takbo at hiyawan kapag nauuna ang kanilang kaklase sa mikropono upang sumagot. Naging mga tanong rito ang Pinoy History, Asian at World History, Current Events, Economics at Pisay History. Aba, kung tutuusin, grabe ang mga teams dahil pati ba naman batas na gumawa sa Pisay, batas na nagbago sa kurikyulum ng pisay (RA number nito at pangalan ha), numero ng estudyante, members ng Pisay board of trustees ay kilala rin, kulang na lang yata pati numero ng electric fans, dami ng upuan, dami ng baitang ng hagdanan ay malaman nila.

Hay, Di-Kum na bukas, sana magawa namin ng maayos, kahit di na manalo. Halos lahat yata ng section ay nag-over time para sa practices.

*Pagku-kwento ukol sa napili kong ACLE ay sa isa pang blog post na lang [alibata]*

In-Humanities Week...Seriously (1st day)

Ang Linggo Ng Humanidades (H.W.) ay isang pangyayari sa Pisay na inaantabayanan ng lahat, mula sa Conan at Kilos Awit ng Freshmen, Katutubong Sayaw ng Second Years, Di-Kumbensyonal Na Musika ng Juniors at Sayaw Interpretasyon ng Fourth Years, pero mukhang pumalya kaagad ang Pisay sa pangyayaring ito at marami ang nagdusa para dito.

Una, hindi naging masaya ang mga estudyante sa kakaunting concessionaires kaisa dati, nawala raw ang Zagu, ang top stall kapag merong special events sa Pisay. Naging boring daw ang lunch dahil wala na raw silang mga stalls na pipilahan ng mahaba (seryoso ito, tanungin nyo pa sila) at yun namang ayaw sa mahahabang pila ay mas nainis dahil mas nag-uunahan ngayon ang mga taong pumila.

Ikalawa, ang pagiging OA ng COCC (advanced state ng CAT) sa mga estudyante, ayun pa sa isang kaklase, naging walang kwenta raw ang games ng H.W. dahil sinakripisyo raw ng COCC ang fun para sa organization. pinilit nilang paghintayin ang mga estudyante sa mainit na oval ng mahigit kumulang 2-3 oras ng hindi pinapayagang pumunta kahit saan man. Naging batas nila ang pagpayag lamang ng isang tao bawat batch (240 katao bawat batch) ang makalabas at bumili/umihi/etc. Isang reaksyon ng mga estudyante ay kung bakit kinailangang umupu ang mga ito sa nakakasunog-balat ng init ng araw ng 2 oras habang nasa lilim ng mga gazeebo ang mga COCC habang nagbabantay.

Naging tingin ko at ng ibang estudyante ang pagiging walang konsidirasyon ng COCC sa mga taong madaling mahimatay, may low-blood pressure at madaling dumugo ang ilong (isa na ako sa mga ito). Marami sa mga estudyante ang nakaranas ng matinding pagkahilo, pagsakit ng ulo, paglabo ng paningin at sabi ng iba ay 'pre-heat stoke syndrome ' ang nangyari. At nang ang inyong lingkod ay pumunta sa klinika upang humingi ng gamot sa sobrang pagsakit ng ulo at pagkahilo, sakita kong humigit 20 katao na ang pumunta sa klinika dahil sa pare-parehong mga sintomas, sabi ng nurse ay marami daw sa mga estudyante ang nasobrahan sa init ng araw at di raw mailabas ang nasagap na init na nagdudulot ng mga nasabing nararamdaman. Para sa akin, naging pabaya ang COCC sa health ng mga estudyante, lalo na sa may mga kakaibang reaksyon kung masyadong mainitan